قصيدة من ديواني الشعري* سيف الحرف*
🌳الغابة🌳
بلاد ولات غابة
كثروا فيها الحطابة
ونهبوا محصول الصابة
غابة مظلامة
نطلبو الله السلامة
من وحوش سرحانة
في الغابة السبع كيحكم
وبالديب محزم
باش ما ترعاها الخرفان
والعايش فيها يبقى جيعان
إلا السبع وأصحابه اللي مفروض يعيشوا مزيان
سيجوا الغابة بسور
واللي عصا خلاوه تالف كيدور
خارج السور
اما الدب المغرور
اعطالو السبع دور
دايما يبقى مجرور
يطبل في الهوته وهو مسرور
اما الغزال
خلاوه عايش في الأدغال
حالو ما هو حال
كلما خرج يدور
يفرسه السبعا والنمور
مسكين عايش ديما في الغابة مقهور
ناري على الدم المغدور
السبع ما بغى يشبع
في خيرات الغابة كيوزع
وأصحابه حتى واحد فيهم ما قناع
الغابة صبحت كلها مظلامة
الديب ولا خروف
والفيل بوحنوك ساكت يشوف
وكلشي في الغابة راكبو الخوف
حتى واحد ما قادر يتكلم
الديب في الحقيقة كيكتم
كلشي كيتألم
من حكام السبع اللي كيظلم
وكلشي بالذل محزم
حتى واحد فيهم ما بغى يتنظم
بفأس واحد سور السبع يتحطم
وخيرات الغابة بالعدل تقسم
بلا ما يسيل الدم
حرفي سيف ليك فكر مزيان وخمم
باركة ما تستسلم
احزم راسك وزيد احزم
وانصر مول الحق وخليه يتح
كم.
مستمر على درب الأمل رغم الألم :بلشقر محمد
تعليقات
إرسال تعليق