**حبيبة الروح**
ياغالية بقالى كتير واقف على برك.......
عشمان تقوليلي
كلمة بحبك.......
والكلمة تقعد على كتفي وتبوح لي بسرك........
لقيت الكلمة بتغازل موجه هربانه من ظلمك........
عايزه تتحامي فى الشط وتستخبي فى رمله........
مسكين الرمل مين يقدر يشيل حمله......
لقيته يشبه لي وأنا أشبه له........
الموجه تيجي تشغله وتبعد قوام عنه.......
لا بتقول له كلمه تسعده ولا بتبعد بعيد عنه.........
وأما لقيته حزين ودايما مطاطي.......
أخدت أشواقي تحت باطي.........
وقلت أقعد مع البحر قعدة سمر........
فضلت قاعد والفجر نايم في حضن القمر
لقيت نفسي سقعان هفة عليه نسمه.......
اتخيلتك ياقمري وأنتي مبتسمه ......
وشالك القطيفه ملفوفه فيه لفه........
قلتيلي غطي البحر بشالي عايزاه والنبي يتدفي........
ده البحر زعلان مني وأنا مقدرش اجافيه
ولا أقدر أشوف حزنه
ودموع عينيه .......
وأنت باحبيب الروح قاعد هنا ليه ؟؟؟؟
مكانك في اااااالقلب ساكن هنا فيه ......
والقلب لو مكانش يساعك يح
طك فى نن عينيه..........
تعليقات
إرسال تعليق