عارفة؟
لسه حاسس إنك خايفة
ولسه شايفة
خيالي بطل ف أحلامك
ولسه كلامي سامعه لازمة
ترن حبيبتي ف كلامك
ماأنا حبك أنا عشقك
أنا غرامك
أنا الحبيب اللي أخلص
حبي ليكي خلاني حخلص
حبي ليكي كان شوية
وكنت حرخص
أنا العاشق لتكوينك
أنا المسحور بعيونك
دقت شربت كل شجونك
أنا اللي كنت مجنونك
أنا اللي شفت شعاع الشمس
ف جبينك
أنا اللي روحي وقلبي
من صغر سنك عاشقينك
انا الدايب ف تكوينك
أنا الحافظ لتفاصيلك
أنا المشتاق لنار ويلك
أنا سميرك ف طول ليلك
أنا المداوي
حبك مخاوي
حب حقيقي
ومش غناوي
ٱه من عودك المشدود
وورد خدود
أنا عشقتك يانداهة
من غير غرامك في متاهة
أنا اللي كنت ليكي الأهل
حبي ليكي أصعب حب
كان مش سهل
حب فطري
مكنش عصري
حب بغباوة
حب بجهل
كان متسرع
ما كان علي مهل
حبي ليكي كان جنة
خليتيه ياحبيبتي نار
حبي ليكي كان حرية
خليتيه ليه استعمار؟
بقي حبك نار
وطعمه مرار
يمكن قلبي دلعك
ونبضه ياما دلعك
هجري ليكي ولعك
كنت ليكي كنت عشانك
كنت معك
غرورك ليه خلاكي
شيطان وكنتي ياملاكي
كنت زمان بهواكي
وأكره الجحود
وياما تعبت معاكي
وربنا المعبود
دلوقتي طيفي يطارد
وقلبك مش حيعارض
لو رحتي حتي عطارد
تلاقيني ف المريخ
افتحي كتاب تاريخ
الحب سهاامه أقوي
ياحبيبتي من صواريخ
بعتك لما بعتي
اديكي ياحلوة سمعتي
وبهجري بقيتي شاددة
ودبلت فيكي الوردة
بعد ما كنت بمتعك
بعد ما حبي دلعك
دلوقتي لازم أودعك
بودعك. بودعك
د. هشام سليم
شاعر الحرافيش
تعليقات
إرسال تعليق