لحمل تقال!
(زجل مغربي)
توكلت على الله فوقت الحرث
متحمس بشبابي نغرس
ݣلبت الأرض وزرعت بذور
حفنة من الݣمح..
ولخرى من الشعير..
طالب الغيث من الخالق العظيم
تزهى صابتي وعام يطلع زين
خاب ظني مع سيرة ليام
اصرت مقابل السما وحزين
ف الصباح والعشية عقلي حيران
وفضو الݣمرة ݣالس سهران
نعد النجوم وتحراك لغيوم
تغلبت كثير فهاذ الزمان
وعقلي تاه مني ب التخمام
رجايا فالعالي يشوف من حالي
يكون ليا ركيزة فالدنيا وعوين
هذا ما كان يا سامع كلامي
حكاية تريح ݣلبي وݣلب المسكين
-بقلم:
محمد دومو
-مراكش/ المغرب
تعليقات
إرسال تعليق